Andersen halkara IT-kompaniýasy dürli görnüşli we ugurly kompaniýalara hem-de kärhanalara giň hyzmatlaryny, şol sanda programma üpjünçiliginiň işläp taýýarlanylyşyny we synagdan geçirilişini, könelişen PÜ-niň döwrebaplaşydyrlmagyny, kiberhowpsuzlygy, kömek gullugyny, içerki IT-toparlaryň giňeldilmegini we beýleki hyzmatlary hödürleýär. Eýýäm 18 ýyldan gowrak kompaniýa tutuş dünýä boýunça müşderileri işewürligiň zerurlyklaryny kanagatlandyrmakda we onuň ösüşini höweslendirmekde netijeli IT-çözgütleri bilen üpjün etmek üçin öňdebaryjy tehnologiýalary, freýmworklary we gurallary, şeýle hem bu ugur boýunça düýpli bilimleri ulanýar. Işgärleriniň düzümi 3600 hünärmenlerden ybarat Andersen kompaniýasy dünýäniň 15 ýurdunda, şol sanda Azerbaýjanda, Gazagystanda we BAE-da hereket edýär. Tehnologiýa we sanly transformasiýa ulgamynda lider hökmünde Andersen kompaniýasy Türkmenistanyň kompaniýalary bilen uzakmöhletleýin we işewür hyzmatdaşlyga gyzyklanma bildirýär. Sebäbi soňky ýyllaryň dowamynda ýurduň ykdysady pudagynyň möhüm gatnaşyjylary özüniň giň mümkinçiliklerini görkezýär. Andersen kompaniýasynyň Azerbaýjandaky sebit direktory Iwan Zaharkow bu sebitde özara bähbitli hyzmatdaşlyk üçin gowy mümkinçilikleriň bardygyny belleýär.